Foto: mk-kz.kz
Shymkentte jappai tártipsizdikke qatysqan bes adamǵa úkim shyqty, - dep habarlaidy Tengrinews.kz agenttigi OTYRAR saityna silteme jasap.
Qańtardaǵy tártipsizdikterge qatysqan bes adam 3 jylǵa shartty túrde bas bostandyǵynan aiyryldy.
Shymkenttiń Ál-Farabi aýdandyq soty qańtardaǵy tártipsizdikterge qatysty qylmystyq isti qarady. Bul týraly qalalyq sottyń resmi saitynda habarlandy.
Olarǵa qatysty QR QK 272–babynyń eki tarmaǵy (Biliktiń zańdy talaptaryna baǵynbaýǵa, jappai tártipsizdikterge jáne azamattarǵa zorlyq-zombylyq jasaýǵa shaqyrý) boiynsha qylmystyq is qozǵaldy.
Is prokýrordyń, sottalýshylardyń jáne advokattardyń qatysýymen qysqartylǵan ashyq sot otyrysynda qaraldy.
Sot aiyptalýshylardyń 2022 jyldyń qańtarynda zorlyq-zombylyq, órt qoiý jáne atys shyǵarý qylmystaryna barǵanyn anyqtaǵan. Olardyń úsheýi qalalyq ákimdik ǵimaratyna shabýyl jasaýǵa qatysqany da belgili boldy.
Sot aiyptalýshylardy kináli dep tapty. Barlyq aiyptalýshylar 3 jylǵa shartty túrde bas bostandyǵynan aiyryldy. Úkim áli zańdy kúshine engen joq.
