Jábirlenýshilerdiń advokaty Magamed Hanaevtyń aitýynsha, politsiia qyzmetkeriniń kinásin dáleldeitin barlyq dálel bar bolǵanymen, is boiynsha protsessýaldyq sheshim joq.
"Olar mynadai jaýap berdi, bul jaýap meni qanaǵattandyrmady. Jetkilikti ýaqyt ótti, sondyqtan olar politsiia qyzmetkerin jáne onyń qylmystyq áreketterin qalqalap otyrǵanyn ashyq kórsetip otyr. Eki aidan astam ýaqyt ótti, biraq protsessýaldyq sheshim áli qabyldanǵan joq. Olar klientimniń quqyǵyn buzdy. Jańa Qazaqstan, biraq ádis eski", - deidi zańger.
Advokat Dihanbaevty áriptesteri qorǵap otyr dep kúdiktenedi. Óitkeni, quqyq qorǵaý organdary barlyq dálelge qaramastan, eshqandai shara qoldanbaǵan. Al is jeke qaýipsizdik basqarmasyna tapsyrylǵan.
Onyń ústine, advokattyń aitýynsha, is boiynsha kúdikti - Erkeǵali Dihanbaev oqiǵadan keiin tergeý izoliatorynda otyrýdyń ornyna, politsiia qyzmetkeri formasynda qalany aralap júrgen.
"Men quqyq qorǵaý organdary múlde áreket etpegenin kórip otyrmyn. Klientterimdi uryp-soqqan politsiia qyzmetkeri Erkeǵali Dihanbaevty osyndai qylmystyq quqyq buzý jasaǵany úshin eń bolmaǵanda tergeý izoliatoryna jiberý kerek edi. Endi men aryz jazamyn. Búginge deiin men prokýratýra men Antikorǵa jazdym, olar eshteńe istemedi. Eger basqa azamat osylai uryp-soqqandy bylai qoiǵanda, politsiia qyzmetkerine qol siltese baiaǵyda túrmege jabylar edi. Ádildik joq", - deidi zańger Magamed Hanaev.
Politsiia departamenti tilshilerge Erkeǵali Dihanbaev qyzmetinen bosatyldy dep jaýap berdi. Tek qandai sebeppen jáne qashan ekenin naqtylamady. Nege isti qaraý uzaqqa sozyldy degen suraqqa da jaýap joq.
"Ál-Farabi APB iývenal politsiia bóliminiń ýchaskelik inspektoryna qatysty densaýlyqqa qasaqana jeńil ziian keltirý deregi boiynsha QR ÁQBtK-niń 73-1 baby boiynsha hattama jasalyp, jinalǵan materialdar Shymkent qalasynyń ákimshilik quqyq buzýshylyq ister jónindegi mamandandyrylǵan aýdanaralyq sotyna joldandy. Sot qaýlysy boiynsha ákimshilik quqyq buzýshylyq týraly is boiynsha is júrgizý taraptardyń tatýlasýyna bailanysty toqtatyldy".
Fakt boiynsha Shymkent qalalyq PD ishki qaýipsizdik bólimi qyzmettik tekserý júrgizgen. Nátijesinde tártiptik komissiia sheshimi boiynsha politsiia qyzmetkeri ishki ister organdaryndaǵy qyzmetinen bosatyldy, dep sendirdi Shymkent qalalyq politsiia basqarmasynyń baspasóz qyzmeti.
Eske salaiyq, buǵan deiin zeinetker erli-zaiypty politsiia inspektory balaǵattap, keiin uryp-soǵyp, kóptegen dene jaraqatyn salǵanyn aityp shaǵymdanǵan bolatyn. Keiin erli-zaiypty Dihanbaevtyń ústinen aryz jazǵan. Biraz ýaqyttan keiin politsei Oleg Petrovskiidi májbúrlep aryzyn qaitaryp alýdy talap etkeni belgili boldy.
Foto: maqala avtory
