Qazaqstan densaýlyq saqtaý ministrligi 11 mamyrda Shymkent qalasynda koronavirýs juqtyrǵan 65 jastaǵy áiel adam qaitys bolǵanyn habarlady.
Shymkent qalalyq densaýlyq saqtaý basqarmasynyń dereginshe, Qarataý aýdanynyń turǵyny 2 mamyrda JRVI diagnozymen Shymkenttegi qalalyq juqpaly aýrýlar aýrýhanasyna jetkizilgen. Alǵashynda odan koronavirýs tabylmaǵan. 6 mamyrda jaǵdaiy nasharlap, jasandy tynys alý apparatyna qosylǵan. Qaita analiz alǵanda COVID-19 diagnozy anyqtalǵan.
Basqarmanyń aqparatynsha, marqum buǵan deiin ókpe, arterialdy gipertenziia, sozylmaly pankreatit dertine shaldyqqan.
Resmi derek boiynsha, Qazaqstanda koronavirýstan 32 adam qaitys boldy. Al jalpy bul virýs elde 5160 adamǵa juqty (dúisenbi 70 adam). 2020 adam dertten aiyqty (dúisenbi 79 adam jazyldy).
11 mamyrda Qazaqstanda eki aiǵa sozylǵan tótenshe jaǵdai aiaqtaldy. Biraq elde karantin sharalary áli jalǵasady.
