قازاقستان دەنساۋلىق ساقتاۋ مينيسترلٸگٸ 11 مامىردا شىمكەنت قالاسىندا كوروناۆيرۋس جۇقتىرعان 65 جاستاعى ەيەل ادام قايتىس بولعانىن حابارلادى.
شىمكەنت قالالىق دەنساۋلىق ساقتاۋ باسقارماسىنىڭ دەرەگٸنشە, قاراتاۋ اۋدانىنىڭ تۇرعىنى 2 مامىردا جرۆي دياگنوزىمەن شىمكەنتتەگٸ قالالىق جۇقپالى اۋرۋلار اۋرۋحاناسىنا جەتكٸزٸلگەن. العاشىندا ودان كوروناۆيرۋس تابىلماعان. 6 مامىردا جاعدايى ناشارلاپ, جاساندى تىنىس الۋ اپپاراتىنا قوسىلعان. قايتا اناليز العاندا COVID-19 دياگنوزى انىقتالعان.
باسقارمانىڭ اقپاراتىنشا, مارقۇم بۇعان دەيٸن ٶكپە, ارتەريالدى گيپەرتەنزييا, سوزىلمالى پانكرەاتيت دەرتٸنە شالدىققان.
رەسمي دەرەك بويىنشا, قازاقستاندا كوروناۆيرۋستان 32 ادام قايتىس بولدى. ال جالپى بۇل ۆيرۋس ەلدە 5160 ادامعا جۇقتى (دٷيسەنبٸ 70 ادام). 2020 ادام دەرتتەن ايىقتى (دٷيسەنبٸ 79 ادام جازىلدى).
11 مامىردا قازاقستاندا ەكٸ ايعا سوزىلعان تٶتەنشە جاعداي اياقتالدى. بٸراق ەلدە كارانتين شارالارى ەلٸ جالعاسادى.
