Shymkentte uialy telefonyn qýattamaq bolǵan azamat kóz jumdy, dep habarlaidy "Ult aqparat".
Qalalyq TJD baspasóz qyzmetiniń málimetinshe, 15 shildede saǵat 02:30-da jeke turǵyn úide 1996 jyly týǵan azamattyń kóz jumǵany týraly aqparat kelip tústi. Tekserý barysynda onyń uialy telefonyn qýattaý kezinde tok uryp, kóz jumǵany anyqtaldy.
«Telefon togynyń iisi joq, túsi bolmaidy, dybys shyǵarmaidy. Sondyqtan bul jaǵdaiǵa asa abai bolý kerek. Elektr toǵy urǵan kezde zardap shekken ózine kómek kórsetý qabilettiligi joqtyǵynan qaýpi ulǵaiady. Toqtyń áseri adamǵa uzaqqa sozylǵan saiyn, oqiǵanyń ólimmen aiaqtalýy yqtimal», - delingen eskertý habarlamada.
Aita keteiik, ótken jyly qalada osyndai jaǵdaimen 4 adam kóz jumǵan edi. Onyń ishinde ekeýi 2004 jáne 2009 jyly týǵan balalar bar.
