Foto: otyrar.kz
Shymkentte tutas otbasy ystan ýlanyp mert boldy. 39 jastaǵy erli-zaiypty jáne olardyń úsh balasy óz úiinde óli kúiinde tabylǵan. Olardyń ólimine gazben jylytylatyn peshtegi aqaý sebep bolypty, - dep habarlaidy "Ult aqparat" KTK telearnasyna silteme jasap.
"Biz teksergende tútin shyǵatyn tesik joq edi. Gaz qubyrdaǵy jylytý qazanynyń ústindegi murjasy joq", - deidi "QazTransGaz Aimaq" AQ Shymkent filialy apattyq-dispetcher qyzmetiniń basshysy Baýyrjan Baitóreev.
Segiz jyldan beri osy úide turyp jatqan olarǵa gaz byltyr tartylǵan. Al qazandyqty qashan qoiǵanyn mamandar anyqtap jatyr.
Otbasy keshe ǵana bul úide qyzdardyń biriniń týǵan kúnin toilaǵan. "Sonan soń túni boiy jylý qosylyp, onyń ýly tútini baspanany basqan" degen boljam aitylyp jatyr. Belgilisi, tańerteń qyzdardyń biri politsiiaǵa telefon shalyp, ýlanǵanyn aityp úlgeripti. Biraq qutqarýshylar kelgende, otbasyndaǵy eri men áieli jáne 16, 15, sondai-aq 11 jastaǵy balalary kóz jumǵany anyqtalǵan.
Otaǵasy - elektrik, al kelinshegi - meiirbike. Kórshileri marqumdardy jaqsy adamdar edi dep, kóńil aityp jatyr.
