Shymkentte týrister men qonaqtarǵa qajetti aqparat taratatyn «visit-shymkent.kz» týristik aqparattyq portaly men «visitshymkent» mobildik qosymshasy iske qosyldy, dep habarlaidy qalalyq ákimdiktiń baspasóz qyzmeti.
Atalǵan joba qalaǵa kelgen týristerge aqparattyq qoljetimdilikti qamtamasyz etip, shahar aýmaǵynda uiymdastyrylatyn mańyzdy is-sharalarmen habardar etý úshin týrizm basqarmasy tarapynan júzege asyp otyr.
Portal men mobildik qosymsha arqyly qalada ótetin merekelik is-sharalar men týristik nysandarǵa biletti brondaý arqyly satyp alýǵa bolady.
Sonymen qatar, salalyq týrizm men týristik qyzmetter, ekskýrsiialar men týrlar, shopping, qonaq úiler men hostelder, áýe jáne temirjol biletteri, kádesyi ónimderi, mádeniet pen óner týraly da aqparat alýǵa múmkindik beredi.
