Foto: Polisia.kz
Shymkenttikterdi 60 mln teńgege aldady degen kúdikti izdestirilip jatyr, dep habarlaidy "Ult aqparat" IIM baspasóz qyzmetine silteme jasap.
"Myńbaeva Aziza Mamytqyzy 1963 jyly týǵan. QR QK-niń 190-babynyń 4-bóligi (Asa iri mólsherde jasalǵan alaiaqtyq) boiynsha kúdikke ilindi.
Ol 5 azamatty 60 mln teńgege aldap soqqan. Satylatyn úilerdiń ielerine jyljymaityn múlik qunynyń 10-15 paiyzyn tólep, senimhat jazyp berýge kóndirip, qalǵan somany jaqyn arada óteýge ýáde bergen. Qajetti qujatty alǵannan keiin, ol basqa bireýdiń múlkin qaita satyp júrgen.
Qazir áiel tergeý organdarynan jasyrynyp júr. Aita keteiik, ol buryn da izdeýde bolǵan" - delingen habarlamada.
Izdeýde júrgen adamnyń ornalasqan jeri týraly qandai da bir aqparatqa ie barlyq adamdardy "102" arnasyna nemese kórsetilgen nómirler boiynsha habar berý suralady: (8-771-671-56-63) 57-27-42, 51-22-01, 57-27-60, 57-01-02, faks: 57-03-41.
