Shymkentte birneshe ret karantin talaptaryn buzǵan 19 nysannyń jumysy toqtatyldy, dep habarlaidy "Ult aqparat".
Qazirgi tańda Shymkent qalasynda koronavirýs indeti keń taralýyna qaramastan, oiyn-saýyq (kafe, restoran, londj-bar, karaoke-bar) oryndary jáne toihanalar karantindi buza otyryp, óz qyzmetin jasyryn jalǵastyryp otyr.
Osyǵan bailanysty mobildi toptardyń jumysy kúsheitilip, qazirgi ýaqytta qala aýmaǵynda sanitarlyq-epidemiologiialyq talaptardyń saqtalýyna monitoring júrgizetin 40 mobildi top jumys atqarýda.
Karantin rejimin buzý jaittaryn anyqtaý maqsatynda Shymkent qalasy politsiia departamenti aýdandyq politsiia basqarmalarynyń qyzmetkerlerimen jáne arnaiy qurylǵan mobildi toppen birge jyl basynan beri QR ÁQBtK 425-baby boiynsha 2 076 zańbuzýshylyqty anyqtap, is-qujattary sanitarlyq-epidemiologiialyq departamentine joldanǵan.
Onyń ishinde toi nemese basqa da jiyn ótkizgen 287 jait anyqtaldy.
Reid barysynda birneshe ret karantin talaptaryn buzǵan 19 nysan (toihana, meiramhana, kafeler) anyqtalyp, sot arqyly QR Ákimshilik quqyq buzýshylyq týraly kodeksiniń 462-babynyń 3-bóligine sáikes aiyppul salynyp, qyzmeti bir ai merzimge toqtatylǵan.
