Shymkentte Táýelsizdik kúni merekesine orai jáne «Shymkent - qaiyrymdy qala» aktsiiasy aiasynda qaiyrymdylyq shara uiymdastyryldy. Qalalyq jumyspen qamtý jáne áleýmettik qorǵaý basqarmasy men «Meiirim» qaiyrymdylyq portaly, «Izgilikte jarysaiyq» qaiyrymdylyq qoǵamdyq qory 100 otbasyna azyq-túlik pen kiim-keshekter, turmystyq himiialyq zattar taratty, - dep habarlaidy «Ult aqparat».
Basqarma basshy Ǵalymjan Baltaev muqtaj turǵyndardy Ulyq merekemen quttyqtap, olardy qiyn jaǵdaiǵa túsken otbasylaryn qoldaýǵa baǵyttalǵan memlekettik baǵdarlamalarmen tanystyrdy. Sala ókilderi búginde turmys taýqymetin tartqan qala turǵyndaryn tek birrettik kómekpen qamtýmen shektelmei, memlekettik baǵdarlamalardy tiimdi paidalanyp, jumysqa tartýda. Sondai-aq qysqa merzimdi oqytý kýrstaryna baǵyttap, kásip ashýyna jol ashyp otyr. Úshinshi megapoliste «Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek« baǵdarlamasy» aiasynda kásiptik-tehnikalyq mamandardy daiarlaý baǵytyndaǵy sharalar da júieli atqarylyp keledi.
Ǵalymjan Baltaevtyń aitýynsha, shaharda jyl basynan beri 4 myńnan asa azamat naryqtyq suranysqa ie mamandyqtardy igerýge joldanǵan. Aǵymdaǵy jyldyń 1 jeltoqsanyna deiin 15 myńǵa jýyq azamat turaqty jumysqa ornalastyryldy.
Aita keteiik, sharaǵa psiholog-mamandar da atsalysty.Bilikti mamandar áleýmettik turǵydan az qamtylǵan turǵyndarǵa psihologiialyq trening ótkizip, olardyń qiyn-qystaý kezeńnen shyǵýyna keńesterin berdi.
