QR Bilim jáne ǵylym ministrligi taǵy bir joǵary oqý ornyn – akademik A.Qýatbekov atyndaǵy Halyqtar dostyǵy ýniversitetin bas litsenziiasynan aiyrdy, dep habarlaidy "Ult aqparat".
Sheshim joǵary oqý ornynda bilim salasyndaǵy zańnamanyń saqtalýy boiynsha birneshe ret ótken tekserýden keiin qabyldandy.
Sonymen qatar bul sheshim Shymkent qalasynyń mamandandyrylǵan aýdanaralyq ákimshilik soty otyrysynyń qorytyndysy boiynsha shyǵaryldy, 10 jumys kúni ishinde zańdy kúshine enedi. Osy kezeńde akademik A. Qýatbekov atyndaǵy Halyqtar dostyǵy ýniversiteti sot sheshimine de, ministrlikke de shaǵymdanýǵa quqyly.
Oryn alǵan buzýshylyqtar oqý úderisin uiymdastyrý, talapkerlerdi oqýǵa qabyldaý, joo-ny oqý-ádistemelik jáne ǵylymi ádebiettermen qamtamasyz etý, túlekterdi jumysqa ornalastyrý tóńireginde boldy.
Stýdentter oqý semestriniń aiaqtalǵanyn kútpei-aq basqa joo-larǵa aýysa alatynyn aita ketken jón. Stýdentterdiń barlyq oqý kórsetkishteri basqa joo-larǵa aýysqan kezde jaramdy bolady. Aqyly negizde oqityndar úshin oqý quny burynǵy deńgeide qalady. BǴM óz tarapynan kómektesedi.
«Biz stýdentter men ata-analardyń mundai sharalar, eń aldymen, stýdentterdiń ózderiniń múddelerin eskere otyryp, qabyldanatynyn túsingenin qalaimyz. Eger joǵary oqý oryndary bilim berý salasyndaǵy talaptarǵa sáikes kelmese, diplom alǵannan keiin bolashaq mamandar jumysqa ornalasý problemalaryna tap bolýy múmkin» , – deidi QR BǴM Bilim jáne ǵylym salasynda sapany qamtamasyz etý komitetiniń tóraiymy Gúlzat Kóbenova.
