Shymkent qalasynda taǵy bir adamnan koronavirýs tabyldy. Bul týraly 25 naýryz 16.30-da Qazaqstan densaýlyq saqtaý ministrligi habarlady.
Shymkentte koronavirýs juqtyrǵan birinshi adam 24 naýryz keshkisin anyqtalǵan. Resmi derek boiynsha, 1996 jyly týǵan adam qalaǵa birneshe kún buryn Nur-Sultannan kelgen.
Qazaqstanda koronavirýsqa bailanysty 15 sáýirge deiin tótenshe jaǵdai. 19 naýryzdan bastap Almaty men Nur-Sultan qalalary karantinge kóshti. Osydan keiin eki qalada oqityn ia ýaqytsha júrgen adamdar óz qalalaryna jappai qaita bastaǵan.
Qazir Shymkenttiń kireberisine 12 blokpost qoiyldy.
Qazirgi derek boiynsha, Qazaqstanda 80 adam koronavirýs juqtyrǵan. Almatyda - 31 adam, Nur-Sultanda - 41 adam, Qaraǵandyda - eki adam, Shymkentte - eki adam, Almaty oblysynda - bir adam, Aqtóbe oblysynda - bir adam, Jambyl oblysynda - bir adam, Soltústik Qazaqstan oblysynda bir adam emdelip jatyr.
