Shymkent qalasyndaǵy emdeý mekemelerinde «Spýtnik V» vaktsinasynyń ekinshi dozasyn egý jumystary bastaldy.
Vaktsinatsiia shahardaǵy tórt ekpe beketinde júrgizilýde, dep habarlaidy "Ult aqparat".
Koronavirýsqa qarsy vaktsinanyń ekinshi dozasyn alǵashqylardyń biri bolyp Shymkent qalalyq densaýlyq saqtaý basqarmasynyń basshysy Baqytjan Pozilov saldyrdy.
«1-19 aqpan kúnderi aralyǵynda «Spýtnik V» vaktsinasynyń 1000 dozasyn salýdy aiaqtadyq. Kúni keshe bizge taǵy 1000 doza vaktsina jetkizildi. Búgin tańerteń tórt emhanaǵa vaktsina taratylyp, egý jumystary júrgizilýde. Buǵan deiin ekpe alǵandar ekinshi dozasyn alýy qajet. Búgin men ózim ekinshi dozasyn aldym. Qazir jaǵdaiym jaqsy», - deidi basqarma basshysy.
Aita keteiik, qalaǵa jetkizilgen «Spýtnik V» vaktsinasynyń ekinshi dozasyn koronavirýs infektsiiasymen qaýipti aimaqta júrgen meditsina qyzmetkerleri alýda. Munan keiin jospar boiynsha óz erkimen kelisim bergen muǵalimder men politseilerge salynbaq.
