Foto: Polisia.kz
Shymkentte halyq kóp jinalatyn oryndarǵa azamattardyń politsiiamen jedel bailanysqa shyǵýyn qamtamasyz etetin dabyl túimeleri ornatyldy, dep habarlaidy Ult.kz.
Bul qurylǵylar politsiia departamentiniń jedel basqarý ortalyǵyna aýdio jáne beine bailanys ornatýǵa múmkindik beredi. Árbir "SOS" batyrmasy kamera, mikrofon jáne dinamikpen jabdyqtalǵan, bul operatorǵa qońyraý shalýshyny kórýge, estýge jáne oqiǵa ornyna politsiia nariady jetkenge deiin qajetti nusqaýlyq berýge jaǵdai jasaidy. Dabyl túsken sátte inspektor jaqyn mańdaǵy patrýldik jasaqty nemese ýchaskelik politseidi oqiǵa ornyna baǵyttaidy.
"SOS" batyrmalary qylmystyń aldyn alý jáne qaýipsizdikti arttyrý maqsatynda ornalastyrylǵan. Qurylǵylar vandalizmge tózimdi etip jasalǵan. Jaqyn arada qalada taǵy 50 qosymsha qurylǵy ornatý josparlanyp otyr. Bul qoǵamdyq tártipti nyǵaitýǵa jáne tótenshe jaǵdailarǵa áreket etý ýaqytyn qysqartýǵa septigin tigizedi.
