Shymkentte sońǵy bir aptada Úkimet tarapynan bólingen eki ushaqpen jáne bes júk kóligimen Úndistannan, Resei men Ýkraina elinen qajetti dáriler jetkizildi. Preparattar eń aldymen qaladaǵy meditsinalyq uiymdarǵa, sosyn dárihanalarǵa taratylatyn bolady, dep habarlaidy "Ult aqparat".
Qala ákimdiginiń málimetinshe, «Apteka №5» men «Mega Farm Pliýs» farm kompaniialarynyń qorynda 273 myń flakon levofloksatsin, 200 myń qorapqa jýyq askorbin qyshqylynyń inektsiiaǵa arnalǵan eritindileri men 130 myń qorap analgin men dimedrol, eýfillin eritindisi syndy mańyzdy medikamenttiń 8 túri kelgen. Sonymen qatar, qaladaǵy «Himfarm» dári-dármek zaýytynda inektsiialyq eritindiler men infýziialar, qatty peroraldi dárilik zattar (tabletkalar, sashe, ampýlalar), antibiotik untaqtary shyǵarylýda.
