Shymkentte eki jasar qyz bala jazataiym oqiǵa saldarynan qaitys boldy. Sábi segizinshi qabattaǵy terezeden qulady, dep habarlady Shymkent qalasy tótenshe jaǵdailar departamentiniń baspasóz qyzmeti.
Qutqarýshylardyń málimetinshe, keshe saǵat 20:40 shamasynda kópqabatty turǵyn úidiń segizinshi qabattyndaǵy terezeden balanyń qulaǵany týraly habarlama kelip túsken. Qaiǵyly oqiǵa Qarataý aýdanynyń «Nursát» shaǵynaýdanynda bolǵan.
Aldyn ala málimet boiynsha, 2019 jyly dúniege kelgen sábi ata-anasynyń qaraýynsyz qalyp, terezeden qulaǵan. Bala oqiǵa ornynda kóz jumdy.
Qutqarýshylar ata-analardan balalaryn ásirese ashyq turǵan terezeniń qasynda qaldyrmaýyn suraidy.
Jyl basynan beri Shymkent aýmaǵynda balalardyń terezeden qulaýynyń alty oqiǵasy tirkeldi. Úsh oqiǵada balalar qaitys bolyp, taǵy úsheýinde jaraqat alǵan.
