Foto: pixabay.com
Búginde 25 túp sakýra búrshik jaryp, qalanyń kórkin asha tústi, dep habarlaidy Ult.kz Kazinform-ǵa silteme jasap.
Japon mádenietiniń simvolyna ainalǵan bul aǵashtar «Jýrnalister» alleiasyna, Nazarbaev dańǵylynyń boiyna, Atlant saýda úiiniń mańyna, Sairam jáne Jibek joly kóshelerindegi gúlzarǵa otyrǵyzylǵan bolatyn.
Biiktigi 4-5 metrge jetetin sakýralar qalanyń tabiǵi sánin arttyryp qana qoimai, ekojúieni jaqsartýǵa da yqpal etedi.
Sakýralardyń tamyry tereńge boilap, butaqtary jaiqalyp ósýi úshin turaqty kútim jasalyp, sýarý jumystary úzdiksiz júrgizilip keledi. Bul jumystar qalalyq jaily ortany damytý basqarmasynyń baqylaýynda.
Aita keteiik, budan buryn Túrkistanda 2,5 tonna naýryz kóje pisirilgenin jazǵan bolatynbyz.
