Qańtardaǵy oqiǵalarǵa bailanysty beinekameralar jazbalaryna tolyq taldaý júrgizilip jatyr. Bul týraly QR Bas prokýratýrasy 1-qyzmet bastyǵynyń orynbasary Eldos Qilymjanov aitty, dep habarlaidy QazAqparat.
«Terrorlyq shabýyldarǵa ushyraǵan barlyq qalada qaiǵyly oqiǵalardyń mán-jailary tekserilýde. Saýda úilerdiń, bankterdiń, memlekettik mekemelerdiń jáne basqa da obektilerdiń beinekameralarynyń jazbalaryna taldaý júrgizilip jatyr. Atap aitqanda, Óskemende «Halyq bank» filialynyń kamerasynan alynǵan beinejazbany qarap shyǵý nátijeleri boiynsha qala turǵyndary azamat «A» jáne «S» anyqtaldy. Olar aldymen politsiia qyzmetkerlerine tastardy laqtyryp, sodan keiin olarǵa armatýramen dene jaraqatyn saldy. Eki qylmysker qamaýǵa alyndy», - dedi E. Qilymjanov Ortalyq kommýnikatsiialar qyzmetinde.
Budan bólek ol Shymkent qalasynda arnaiy is-sharalardy júrgizý nátijeleri boiynsha qańtar oqiǵalary kezeńinde 3 politsiia avtokóligin órtep, tonaýǵa qatysqan 3 turǵyn áshkere bolǵanyn atap ótti.
