Túrkistan oblysynyń tártip saqshylary pedofildiń balaǵa shabýyldaǵan sáti túsirilgen videony internetke salǵan adamdy izdep jatyr.
Buǵan deiin áleýmettik jeliler men messendjerlerde turǵyn úidiń kireberisindegi beinebaqylaý kamerasynyń kadrlary taralǵan bolatyn. Er adam balaǵa shabýyldap, kórshi áiel úige kirip kelgen kezde qasha jónelgen. Keiinirek kúdikti ustaldy.
Sputnik 31 arnaǵa silteme jasap habarlaǵandai, qazirgi tańda tártip saqshylary shabýyldyń kadrlaryn jariialaǵan adamdy izdep jatyr. Qylmystyq is qozǵady. Videokadrlardy taratqan adam jeti jylǵa deiin bas bostandyǵynan aiyrylýy múmkin.
Telearna bala esin jiia bastaǵanyn, alaida oqiǵany esine túsire almaǵanyn atap ótken. Degenmen bolǵan oqiǵany surastyra berse, onyń jaǵdaiy nasharlap ketýi múmkin.
Ájesiniń aitýynsha, zardap shekken balany videorolik arqyly tanyǵan adamdar oǵan kún saiyn qońyraý shalady eken. Ol taiaýda mektep bastalatyndyqtan qazaqstandyqtardan videorolikti taratýdy toqtatýǵa shaqyrdy.
