Foto: pixabay
Shymkentte oqýshy dene shynyqtyrý sabaǵynda kóz jumdy, - dep habarlaidy qalalyq bilim basqarmasynyń baspasóz qyzmeti.
Oqiǵa 11 qańtar saǵat 11:00-de bolǵan.
"№48 jalpy orta mektebinde dene shynyqtyrý sabaǵy kezinde 2010 jyly týǵan 8 "A" synyp oqýshysy esinen tanyp qulaǵan. Mektep medbikesi sport zalǵa jyldam jetip, alǵashqy kómek kórsetip, jedel járdem shaqyrǵan", - deidi basqarma.
Kelgen jedel járdem qyzmetkerleri ekinshi arnaiy shuǵyl járdem shaqyrǵan. Alaida ol kelgenshe balanyń júregi toqtap, qaitys bolǵan.
Qazir quzyrly organdar tekserý júrgizip jatyr.
Aita keteiik, oqýshynyń ákesi - jeke júrgizýshi, anasy - kolledjde muǵalim. Otbasynda 1 qyz, 2 ul bar. Marqum oqýshy úidiń ortanshy balasy.
