Sýret ashyq derekkózden alyndy
Shymkent qalasynda ornalasqan neke saraiynyń ǵimaraty buzylyp jatyr. Onyń ornyna qonaq úi salynbaq, dep habarlaidy QazAqparat agenttigi.
Shymkent qalasyndaǵy sáýletti ǵimarattyń biri – neke saraiy buzylyp jatyr. Jastar elektrondy túrde nekege turý múmkindigine ie bolǵandyqtan, mekemege degen suranys azaiyp ketken. Al, mamandardyń sózine súiensek, investorlar bul ǵimaratty qaita jańǵyrtýdan ótkizip, qonaq úi etpek.
«Bul – «Bereke-A» korporatsiiasyna tieseli ǵimarat. Ony jeke kásipker óz qarajaty esebinen salǵan bolatyn. Memleketten bul nysandy kútip ustaýǵa qarajat bólingen joq. Endi kásipker neke saraiynyń ornyna qonaq úi salýdy josparlap otyr. Sebebi, qazir qalada qonaq úige degen suranys artqan», - deidi Shymkent qalasynyń sáýlet, qala qurylysy jáne jer qatynastary basqarmasy bastyǵynyń orynbasary Nurbol Júnisbekov.
Ǵimarattyń shatyry tolyǵymen buzyldy. Qazir qabyrǵalaryn jańartý jumystary júrgizilip jatyr.
