Shymkentte ataýly áleýmettik kómekke muqtaj otbasylarǵa memleket tarapynan bóolningen qarjylar kezeń-kezeńimen berilip keledi. Jyl basynan beri 81 myńǵa tarta otbasydan ótinish túsken bolsa, 58 myńnan asa otbasyǵa 44,2 mlrd teńge taǵaiyndalǵan, dep habarlaidy "Ult aqparat".
Qalalyq jumyspen qamtý jáne áleýmettik qorǵaý basqarmasynyń málimetinshe, ataýly áleýmettik kómek alýǵa ótinish bildirgen 13 211 otbasynyń qujattary keri qaitarylǵan. Bul ótinish tapsyrǵan barlyq otbasylardyń 26% quraidy. Óz kezeginde sala mamandary biylǵy jyly qabyldanǵan ótinishterdiń sany ótken jylmen salystyrǵanda 6,7 esege artqanyn aityp otyr.
Qazirgi tańda 50 794 otbasyǵa nemese 253 970 adamǵa 16,8 mlrd teńge tólengen. Sonymen qatar qalalyq máslihattyń sheshimine sáikes az qamtamasyz etilgen azamattarǵa bir rettik áleýmettik kómek tiisti talaptarǵa sáikes tólenedi. Iaǵni, otbasynyń tabysy jan basyna shaqqanda 2 AEK-ten (5 050 teńgeden) aspaǵan jaǵdaida 40 AEK (101 000 teńge) beriledi. Jergilikti biýdjetten atalǵan kómekke 1000 otbasyǵa 101,0 mln teńge tólenip úlgergen.
Al, 1 maýsymda «Balalardy qorǵaý kúnine» 18 jasqa deiingi múgedek balalarǵa bir rettik 5 AEK-ten nemese 5 656 balaǵa 12 myń teńgeden áleýmettik kómek berilgen.
