Búgin «Azamattarǵa arnalǵan úkimet» memlekettik korporatsiiasy QR IIM-men birlesip, Shymkent qalasynda migratsiialyq halyqqa qyzmet kórsetý ortalyǵyn (MHQO) ashty, dep habarlaidy "Ult aqparat" «Azamattarǵa arnalǵan úkimet» korporatsiiasynyń baspasóz qyzmetine silteme jasap.
Bul elimizdegi kóshi-qon qyzmetterin kórsetetin ekinshi ortalyq, alǵashqysy osy jyldyń basynda Astanada ashylǵan bolatyn.
Aita ketý kerek, sońǵy jyldary elimizdiń úshinshi megapolisinde sheteldik jumysshylardyń eleýli aǵyny baiqalýda. MHQO-da sheteldik azamattar memlekettik qyzmetterdi «bir tereze» qaǵidaty boiynsha bekitilgen standartqa sai ala alady. Onda elektrondyq kezek, arnaiy jabdyqtalǵan jumys oryndary, profildi mamandar jáne yńǵaily jumys kestesi qarastyrylǵan. Qyzmet alýshy 1-2 saǵattyń ishinde meditsinalyq tekserýden, daktiloskopiiadan óte alady. Sondai-aq saqtandyrý polisin rásimdelip, jeke sáikestendirý nómiri (JSN) beriledi. Buryn barlyǵyn tapsyrý úshin birneshe kún ketetin.
«Buryn sheteldikter jumys isteýge ruqsat alý úshin qajetti qujattaryn rásimdep, birneshe kún júretin. JSN alyp, salyq máselesin sheship, saqtandyrý anyqtamasyna qol jetkizý úshin birneshe mekemeni aralaýshy edi. Endi sheteldikter qujattardy bes kún boiy emes, bir kúnniń ishinde rásimdeý múmkindigine ie boldy. Bul migranttar úshin ǵana emes, jumys berýshi úshin de óte qolaily», - deidi «Azamattarǵa arnalǵan úkimet» memlekettik korporatsiiasynyń Túrkistan oblysy boiynsha filialynyń direktory Erjan Jeńisbekov.
Jańa MHQO jumys barysyn jeńildetip qana qoimai, sybailas jemqorlyq áreketteriniń aldyn-alýǵa jol ashady. Jyl basynan beri Qazaqstanda kóshi-qon baǵyty boiynsha 267 287 memlekettik qyzmet kórsetilgen.
Jańa front-ofis Shymkent qalasyndaǵy Nursat yqshamaýdany, Baiterekov kóshesi, 89 úi mekenjaiynda ornalasqan. 1 500 sharshy metrlik ǵimaratta 100 kólikke arnalǵan avtoturaq bar. Mekeme tańǵy saǵat 09-dan keshki saǵat 18.30-ǵa deiin, túski úzilissiz qyzmet kórsetedi.
