بٷگٸن «ازاماتتارعا ارنالعان ٷكٸمەت» مەملەكەتتٸك كورپوراتسيياسى قر ٸٸم-مەن بٸرلەسٸپ, شىمكەنت قالاسىندا ميگراتسييالىق حالىققا قىزمەت كٶرسەتۋ ورتالىعىن (محقو) اشتى, دەپ حابارلايدى "ۇلت اقپارات" «ازاماتتارعا ارنالعان ٷكٸمەت» كورپوراتسيياسىنىڭ باسپاسٶز قىزمەتٸنە سٸلتەمە جاساپ.
بۇل ەلٸمٸزدەگٸ كٶشٸ-قون قىزمەتتەرٸن كٶرسەتەتٸن ەكٸنشٸ ورتالىق, العاشقىسى وسى جىلدىڭ باسىندا استانادا اشىلعان بولاتىن.
ايتا كەتۋ كەرەك, سوڭعى جىلدارى ەلٸمٸزدٸڭ ٷشٸنشٸ مەگاپوليسٸندە شەتەلدٸك جۇمىسشىلاردىڭ ەلەۋلٸ اعىنى بايقالۋدا. محقو-دا شەتەلدٸك ازاماتتار مەملەكەتتٸك قىزمەتتەردٸ «بٸر تەرەزە» قاعيداتى بويىنشا بەكٸتٸلگەن ستاندارتقا ساي الا الادى. وندا ەلەكتروندىق كەزەك, ارنايى جابدىقتالعان جۇمىس ورىندارى, پروفيلدٸ ماماندار جەنە ىڭعايلى جۇمىس كەستەسٸ قاراستىرىلعان. قىزمەت الۋشى 1-2 ساعاتتىڭ ٸشٸندە مەديتسينالىق تەكسەرۋدەن, داكتيلوسكوپييادان ٶتە الادى. سونداي-اق ساقتاندىرۋ پوليسٸن رەسٸمدەلٸپ, جەكە سەيكەستەندٸرۋ نٶمٸرٸ (جسن) بەرٸلەدٸ. بۇرىن بارلىعىن تاپسىرۋ ٷشٸن بٸرنەشە كٷن كەتەتٸن.
«بۇرىن شەتەلدٸكتەر جۇمىس ٸستەۋگە رۇقسات الۋ ٷشٸن قاجەتتٸ قۇجاتتارىن رەسٸمدەپ, بٸرنەشە كٷن جٷرەتٸن. جسن الىپ, سالىق مەسەلەسٸن شەشٸپ, ساقتاندىرۋ انىقتاماسىنا قول جەتكٸزۋ ٷشٸن بٸرنەشە مەكەمەنٸ ارالاۋشى ەدٸ. ەندٸ شەتەلدٸكتەر قۇجاتتاردى بەس كٷن بويى ەمەس, بٸر كٷننٸڭ ٸشٸندە رەسٸمدەۋ مٷمكٸندٸگٸنە يە بولدى. بۇل ميگرانتتار ٷشٸن عانا ەمەس, جۇمىس بەرۋشٸ ٷشٸن دە ٶتە قولايلى», - دەيدٸ «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ تٷركٸستان وبلىسى بويىنشا فيليالىنىڭ ديرەكتورى ەرجان جەڭٸسبەكوۆ.
جاڭا محقو جۇمىس بارىسىن جەڭٸلدەتٸپ قانا قويماي, سىبايلاس جەمقورلىق ەرەكەتتەرٸنٸڭ الدىن-الۋعا جول اشادى. جىل باسىنان بەرٸ قازاقستاندا كٶشٸ-قون باعىتى بويىنشا 267 287 مەملەكەتتٸك قىزمەت كٶرسەتٸلگەن.
جاڭا فرونت-وفيس شىمكەنت قالاسىنداعى نۇرسات ىقشاماۋدانى, بايتەرەكوۆ كٶشەسٸ, 89 ٷي مەكەنجايىندا ورنالاسقان. 1 500 شارشى مەترلٸك عيماراتتا 100 كٶلٸككە ارنالعان اۆتوتۇراق بار. مەكەمە تاڭعى ساعات 09-دان كەشكٸ ساعات 18.30-عا دەيٸن, تٷسكٸ ٷزٸلٸسسٸز قىزمەت كٶرسەتەدٸ.
