Ońtústik Qazaqstan oblysynda múmkindigi shekteýli azamattar sanynyń ósýi baiqalady. Sondyqtan óńirde profilaktikalyq is-sharalardy kúsheitip, múgedektikke alyp keletin patologiialardy tómendetý qajet. Bul týraly oblys ákimdiginde ótken májiliste Ońtústik Qazaqstan oblysynyń ákimi Janseiit Túimebaev málim etti.
Sondai-aq biyl Shymkent qalasyndaǵy qurylysy toqtap turǵan 200 oryndyq múgedekterdi ońaltý ortalyǵynyń qurylys jumystaryn memlekettik-jekemenshik áriptestik aiasynda bastaý kózdelip otyr. Respýblikalyq biýdjetten qurylysqa bólingen 1,1 mlrd teńge qysqartýǵa ushyrap, qazirgi tańda jobalyq –smetalyq qujattamaǵa ózgeris engizilýde. Eger ǵimarat qurylysy aiaqtalsa, saladaǵy birqatar qordalanǵan máselelerdi sheshýge jol ashylmaq.
Jiynda sóz alǵan oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Muhit Otarshiev oblysta 117 myńnan astam múmkindigi shekteýli azamattar esepke alynǵanyna toqtaldy. Ókinishke orai, olardyń sany oblys halqynyń 4 paiyzyn, respýblikada turatyn múgedekterdiń 18 paiyzyn qurap otyr.
«Esepke alynǵan múmkindigi shekteýli azamattardyń 31 myńnan astamy tirek-qimyl qozǵalysy buzylǵandar. 8 myńnan astamy kózinen, 5 myńǵa jýyǵynyń qulaǵynyń aqaýy bar. 15 myńnan astamy psihikalyq aýytqýy bar múgedekter»,- deidi basqarma basshysy.
Múmkindigi shekteýli azamattardyń múgedektik alýynyń sebepteriniń basym bóligi júrek qan-tamyry, psihikalyq aýytqýlar men jaraqat alý saldarynan oryn alyp otyr. Biylǵy jyly barlyq biýdjetter esebinen 9,2 mlrd. teńge qaralyp, ońaltý sharalaryna 91 paiyzy iaǵni muqtaj múgedekter 67 myńǵa jýyǵy tehnikalyq kómekshi quraldarmen jáne áleýmettik qyzmettermen qamtylǵan. Bul kórsetkish 2016 jylmen salystyrǵanda 1,4 esege ulǵaiǵan.
Statistikalyq málimetterge qarap otyrsaq, oblysymyzda múmkindigi shekteýli azamattar qatarynyń ósýi baiqalady. Sondyqtan bul úderistiń aldyn alý sharalaryn kúsheitý qajet. Sondai-aq aýdan, qala ákimderi, sala basshylary tereń taldaý jumystaryn júrgizýi tiis. Múmkindigi shekteýli azamattardy jumyspen qamtý, olardyń áleýmettik kómektermen der kezinde qamtamasyz etilýi árdaiym qadaǵalaýda bolǵany jón», -dedi J. Túimebaev.
Oblysymyzda kólik infraqurylymy obektilerinde qoljetimdi orta qurý maqsatynda 104 arnaiy jol belgileri, 29 arnaiy kórsetkish, 107 jaiaý júrginshiler belgileri, 87 kóshege arnaiy baǵdarsham ornatylǵan. 17 inva, 33 áleýmettik taksi qyzmet kórsetedi. Degenmen bul oblystaǵy múmkindigi shekteýli azamattardyń sanymen salystyrǵanda jetkiliksiz. Osy jáittarǵa toqtalǵan oblys ákimi aldaǵy ýaqytta sala mamandarynan arnaiy usynystar men taldaý jumystaryn kútetindigin jetkizdi.
