Qarjylyq monitoring agenttigi mektep qurylysy kezindegi qarajatty jymqyrý deregin anyqtady, dep habarlaidy "Ult aqparat".
Shymkent qalasy boiynsha agenttiktiń aýmaqtyq departamenti Juldyz turǵyn alabynda orta mektep salýǵa bólingen 5,5 mln teńgeni jymqyrý deregin anyqtady.
Qazirgi ýaqytta búkil el boiynsha jańa oqý jylyna daiyndyq maqsatynda bilim mekemelerinde qurylys jáne jóndeý jumysy belsendi júrip jatyr.
Aita ketý kerek, bul maqsattarǵa biýdjetten aitarlyqtai qarjy bólinedi, onyń kólemi jyl saiyn artyp keledi.
Al bilim nysandary adal emes merdigerler úshin «qarajat kózi» bolyp tabylady.
Tergeý barysynda kásipker mektep qurylysy kezinde naqty oryndalmaǵan jumystar týraly dáieksiz málimettermen esep usynǵany belgili boldy.
Sot qurylys-ekonomikalyq saraptamasynyń qorytyndysyna sáikes memleketke keltirilgen zalal somasy shamamen 5,5 mln teńgeni qurady.
Qurylys jumystaryn júrgizgen josyqsyz kásipker kinásin tolyq moiyndap, keltirilgen shyǵyn somasyn ótedi.
