Shymkentte qurylysshy 9 qabattan qulap ketti, dep habarlaidy QazAqparat portaly.
Oqiǵa qaladaǵy qurylys alańdarynyń birinde bolǵan. Qurylysshy 9 qabattan 7 qabatqa qulap túsken. Oqiǵa ornyna kelgen jedel járdem qyzmetkerleri er adamǵa alǵashqy kómek kórsetip, aýrýhanaǵa alyp ketken.
Dárigerler zardap shekken qurylysshyǵa jabyq bas mi jaraqaty, midyń shaiqalýy, oń jaq buǵanaǵynyń jabyq synyǵy, búirek soǵylýy diagnozyn qoiyp otyr.
Shymkent qalasy densaýlyq saqtaý departamenti baspasóz qyzmetiniń málimetinshe, naýqastyń qazirgi jaǵdaiy qalypty. Aýrýhanada em qabyldap jatyr.
