Shymkentte sońǵy táýlikte taǵy úsh adamnyń COVID-19 infektsiiasyn juqtyrǵany anyqtaldy. Dárigerler naýqastardyń qatarynda 13 jastaǵy jasóspirim bar ekenin aitady, dep habarlaidy "Ult aqparat".
Qalalyq tótenshe jaǵdailar shtabynyń málimetinshe, qaýipti indet juqtyrǵandardyń barlyǵy da buǵan deiingi naýqaspen qarym-qatynasta bolǵan. Olar karantindik statsionarǵa jatqyzylyp, zerthanalyq synamalar alynǵan.
«Bir naýqas 2006 jyly týǵan jasóspirim bolsa, ekeýi 1967 jáne 1971 jyly týǵan áielder. Diagnostikalyq zertteý qorytyndysy olardan COVID-19 virýsyn anyqtady. Qazirgi tańda naýqastardyń jaǵdailary qanaǵattanarlyq. Bekitilgen hattamaǵa sáikes tiisti em júrgizilýde. Naýqastarmen qarym-qatynasta bolǵan adamdar anyqtalyp, barlyǵy meditsinalyq baqylaýǵa alynýda. Aýrý oshaqtarynda epidzertteý jáne dezinfektsiialyq jumystar júrgizilýde» delingen habarlamada.
Aita keteiik, Shymkentte COVID-19 koronavirýstyq infektsiiasyna shaldyqqan adamdardyń sany 23-ke jetti.
