Koronavirýs juqtyrǵan adam Shymkentke Nur-Sultan qalasynan kelgeni belgili boldy. Bul týraly «Habar 24» telearnasynyń tikelei efirinen Shymkent qalalyq taýarlar men kórsetiletin qyzmetterdiń sapasyn jáne qaýipsizdigin baqylaý basqarmasynyń basshysy Ábdimanap Tólebaev aitty, dep habarlaidy "Ult aqparat".
«Shymkent qalasynda 1-shi koronavirýs jaǵdaiy tirkelip otyr. Qazirgi ýaqytta ol Shymkent qalasynyń juqpaly aýrýlar aýrýhanasyna oqshaýlanyp, em-dom qabyldap jatyr. Bul azamat 20 naýryz kúni Nur-Sultan qalasynan kelgen. Onymen qarym-qatynasta bolǵan adamnyń barlyǵy izdestirilip, tabyldy. Ol adamdarmen tolyqqandy indetke qarsy sharalar júrgizilip jatyr», - dedi ol.
