1990 jyly týylǵan azamattyń qaitys bolý sebebin anyqtaý úshin sot-meditsinalyq saraptamasy taǵaiyndaldy, dep habarlaidy QazAqparat.
Búgin 17:00 shamasynda Shymkent qalasy Politsiia departamentiniń ǵimaratynda qala aýmaǵynda birneshe qymbat shet el avtokólikterin aidap ketý qylmysy boiynsha kúdikti retinde jetkizilgen azamat jaýap alý barysynda birden ózin nashar sezingenin aitqan. Sol kezde alǵashqy meditsinalyq kómek kórsetilip, jedel járdem shaqyrtylǵan.
Degenmen jedel járdem kelgenshe, es-túsin joǵaltqan azamat mezgilsiz qaitys boldy.
«Atalǵan fakti boiynsha QR IIM Ózindik qaýipsizdik departamentine jáne qalalyq prokýratýraǵa habarlandy.Qaitys bolý sebebin anyqtaý úshin sot-meditsinalyq saraptamasy taǵaiyndaldy. Saraptama nátijesi qosymsha habarlanady», - delingen Shymkent qalasynyń politsiia departamenti taratqan baspasóz habarlamasynda.
