videodan alynǵan kadr
Baǵdarshamnyń qyzyl túsinde turyp esirtki paidalanǵan shymkenttik beinejazbaǵa túsip qaldy, dep habarlaidy "Ult aqparat".
IIM baspasóz qyzmetiniń málimetinshe, Toyota Camry kóliginiń aldyńǵy oryndyǵynda otyrǵan jas jigit baǵdarshamǵa toqtap, qaǵaz aqshany tútikke domalatyp, untaq tárizdi zatty iiskegen.
"JBO-nyń kezekshileri bul týraly dereý patrýldik politsiianyń jaqyn mańdaǵy ekipajyna habarlady.
Tártip saqshylary kólikti Nazarbekov kóshesiniń boiynda 4 minýt ishinde ustady. Tekserý barysynda kólikten marihýana salynǵan qaǵaz býma jáne mefedron salynǵan 2 polietilen paket tabyldy" - delingen habarlamada.
Atalǵan faktige qatysty QR QK 296-baby boiynsha sotqa deiingi tergeý amaldaryn júrgizilip jatyr. 24 jastaǵy kúdiktige eshqaida ketpeý týraly bultartpaý sharasy qoldanyldy.
