Foto: t.me/POLICE_of_KZ
Shymkentte halyqaralyq izdeýdegi teris dini aǵym ókili ustaldy, dep habarlaidy "Ult aqparat" IIM baspasóz qyzmetine silteme jasap.
"Ekstremizmge qarsy is-qimyl basqarmasynyń qyzmetkerleri jedel-izdestirý sharalary barysynda kórshi eldiń 32 jastaǵy azamatyn quryqtady. Ózbekstan Respýblikasynda iri kólemde urlyq jasap, tergeý men sottan qashyp júrgen er adam qala aýmaǵyndaǵy kóshelerdiń birinde qolǵa tústi.
Qabyldanǵan shuǵyl sharalardyń nátijesinde Shymkent politseileri halyqaralyq izdeýdegi kúdiktini 2 ai ishinde izdep tapty.
Tártip saqshylary el aýmaǵynda zańsyz júrgenin jáne teris dini aǵymdy ustanýshylardyń qatarynan ekenin anyqtady" - delingen habarlamada.
Vedomstvo málimetinshe, qazirgi tańda sheteldik qamaýda otyr. Ony Ózbekstan Respýblikasyna ekstraditsiialaý jumystary júrgizilip jatyr.
