Kórneki sýret: pexels.com
Shikizat jetkizýdegi máseleler Shymkenttegi keńse qaǵazy óndirisiniń toqtaýyna ákep soqty. Kásiporyn shikizatty Finliandiiadan satyp alǵan, - dep habarlaidy Tengrinews.kz "Habar 24"telearnasyna silteme jasap.
Zaýyt qyzmetkeriniń sózinshe, basqa jetkizýshini tabý ońai bolmaǵan. Endi olar bul jaǵdaiǵa memleket aralasatynyna úmittenip otyr. Sebebi jumysty bastaý qiyn bolyp otyr.
Telearna málimetinshe, buryn kásiporynda A4 formatyndaǵy 3 million býma qaǵaz jáne A3 formatyndaǵy 300 myń býma qaǵaz shyǵarylǵan. Endi óndiris toqtap qaldy.
Sonymen qatar, dúken sórelerinde keńse qaǵazy azaiyp jatyr. Satýshylar importtaýshylar jetkizý sanyn qysqartyp, baǵany kúrt ósirip jibergenin aitqan. Kádimgi býma qaǵaz endi eki ese qymbat bolady.
"Qazaqstan ózin shikizatpen qamtamasyz ete almaidy. Ormandar Reseide, Finliandiiada ornalasqan. Tselliýloza-qaǵaz kombinaty qazaqstandyq kompaniialarǵa satady. Olar keiin bizge satady. Jyldyq kólem qansha ekenin bilý úshin tikelei satyp alǵymyz keledi. Onda jetkizýshilermen básekelese alasyz. Tolyq jumys istesek, naryqtyń 20 paiyzyn jaba alamyz", - deidi zaýyt bas direktorynyń orynbasary Qanat Álimbaev.
