Shymkent qalasynda QR Premer-Ministriniń Birinshi orynbasary Asqar Mamin men ÓR Premer-Ministriniń Birinshi orynbasary Achilbai Ramatovtyń tóraǵalyǵymen Qazaqstan – Ózbekstan birinshi aimaqaralyq forýmy ótti.
Eki eldiń Memleket basshylary N. Nazarbaev pen Sh. Mirziioevtiń bastamasymen ótkizilgen Forým jumysyna Qazaqstan men Ózbekstan óńirleriniń basshylary qatysty.
Forýmnyń plenarlyq otyrysynda sóz sóilegen QR Birinshi Vitse-Premeri 2018 jyly eki halyqtyń mádeni jáne saýda-ekonomikalyq baǵyttarda is júzinde jaqyndai túskenin atap ótti. Asqar Mamin Qazaqstandaǵy Ózbekstan jylyn sátti ótkizý turǵysynan Forýmnyń arnaiy ótkizilgenin aityp, biyl ekijaqty yntymaqtastyqty odan ári damytýǵa septigin tigizetin kóptegen is-sharalar uiymdastyrylǵanyn tilge tiek etti.
QR men ÓR arasyndaǵy ózara saýda-sattyq oń qarqynǵa ie. 2018 jyldyń 9 aiynda saýda ainalymy $2 mlrd astam somany qurady, bul ótken jyldyń sáikes kezeńimen salystyrǵanda 40% joǵary.
«Boljamdarǵa sáikes, 2018 jyldyń qorytyndysy boiynsha ózara saýda-sattyq kólemi $3 mlrd quraidy. Elbasy saýda-sattyq kólemin odan ári ulǵaitýdyń úlken áleýetin eskere otyryp, 2020 jylǵa qarai saýda ainalymynyń kólemin $5 mlrd jetkizý týraly mindet qoidy», — dedi QR Birinshi Vitse-Premeri.
Asqar Mamin men Achilbai Ramatov Qazaqstan men Ózbekstan shekarasyndaǵy — «Jibek joly» jáne «Iallama» ótkizý pýnkterin tekserdi.
Tekserý barysynda tsifrlyq tehnologiialardy qoldanýmen shekaradan ótetin pýnktterdiń infraqurylymyn jańǵyrtý, qoldanystaǵy ótkizý pýnktterin jedeldetip rekonstrýktsiialaý, eki jańa ótkizý pýnktterin ashý máselelerin pysyqtaý, sondai-aq avtovokzal salý qajettigi eskerildi.
A. Mamin shekaralyq ótkizý pýnkterinde infraqurylymdyq shekteýlerdi alyp tastaýdyń, azamattardyń, júkter men kólik quraldarynyń birlesken shekara boiynsha qozǵalysyna qolaily jaǵdailar jasaýdyń strategiialyq mańyzdylyǵyn atap ótti.
Eki el arasyndaǵy yntymaqtastyqtyń mańyzdy baǵyttary ónerkásip, qurylys, kólik, tranzit, týrizm jáne t.b. salalary bolýy tiis.
Óz kezeginde ÓR Premer-Ministriniń Birinshi orynbasary A. Ramatov «eki el arasyndaǵy seriktestik qatynastyń berik negizi jáne uzaqmerzimdi keleshegi bar» dedi. Qazirgi tańda Ózbekstanda ekonomikanyń ártúrli salalarynda qazaqstandyq kapitaldyń qatysýymen 260 jýyq kásiporyn jumys isteidi. Qazaqstanda Ózbekstan jylyn ótkizý barlyq salalarda yntymaqtastyqty keńeitýdiń bastaýy bolmaq.
Forým qorytyndysy boiynsha eki el óńirleriniń basshylary ekonomikanyń basym sektorlarynda birlesken jobalardy iske asyrý salasynda 16 qujatqa qol qoidy.
Jibek joly elderiniń vizalyq rejimderin ózara taný týraly, «KTZ Express» AQ men «Ózavtotranstehnika» ǵylymi-óndiristik ortalyǵy arasynda birlesken kásiporyn qurý týraly kelisimderge qol qoiyldy. Sonymen qatar, «QazTransGaz» AQ men «ÓzTransGaz» AQ arasynda Ózbekstan aýmaǵy arqyly tabiǵi gazdy tasymaldaý týraly kelisimge qol qoiyldy.
A. Mamin men A. Ramatov «Kórme» kórme keshenine bardy, onda eki eldiń ónerkásip, avtoónerkásip, himiia, toqyma ónerkásibi, aǵash óńdeý isi jáne t.b. salalardaǵy ónimderi usynyldy.
