Foto: Polisia.kz
Shymkentte janar-jaǵarmai beketiniń kassasynan 12 mln teńge jymqyrǵan er adam sottaldy, – dep habarlaidy "Ult aqparat" Polisia.kz saityna silteme jasap.
Media-portal málimetinshe, politsiiaǵa janar-jaǵarmai beketiniń kassasynan asa iri mólsherde aqsha jymqyrylǵany týraly aryz túsken. Kásipkerdiń aitýynsha, kassir jigit táýliktik kezekshilikke túskende tólem qabyldaityn bank qurylǵysynyń bolmaýyna bailanysty tutynýshylarǵa óziniń jeke esepshotyn aityp, aqshany sonda aýdartyp otyrǵan. Osylaisha, ol janar-jaǵarmai satýdan túsken qarajatty kassaǵa tolyq ótkizbei, jábirlenýshige 12 350 000 teńge shyǵyn keltirgen.
"Tártip saqshylary atalǵan jaitty QR QK-niń 189-baby 4-bóligi (Senip tapsyrylǵan bóten múlikti iemdenip alý nemese talan-tarajǵa salý) boiynsha tirkep, sotqa deiingi tergep-tekserý amaldaryn júrgizdi.
Belgili bolǵandai, 35 jastaǵy jergilikti turǵyn jymqyrǵan aqshany jeke qajetine jaratyp jibergen.
Tergeýshiler barlyq aiǵaqty jinap, qylmystyq is materialdaryn sotqa joldady. Nátijesinde, sot er adamdy kináli dep tanyp, ony 5 jylǵa materialdyq jaýaptylyqpen bailanysty qyzmetterdi atqarý quqyǵynan jáne 7 jyl merzimge bas bostandyǵynan aiyrý jazasyn taǵaiyndady" - delingen habarlamada.
