Shymkent qalasyndaǵy meiramhana men toihana ieleri epidemiologiialyq jaǵdaiǵa bailanysty muqtajdyq bolsa ǵimarattaryn provizorlyq ortalyqqa ainaldyrýǵa daiyn ekendigin jetkizdi. Bul usynystaryn olar qala ákimi Murat Áitenovpen kezdesý kezinde aityp ótti, dep habarlaidy "Ult aqparat".
Qaladaǵy birneshe ǵimaratty aralap shyqqan Murat Áitenov kásipkerlerge ázirge qosymsha provizorlyq ortalyqtardy ashýdyń qajettiligi joq ekenin atap ótti. Óitkeni, búginde qaladaǵy aýrýhanalar men statsionarlarda meditsinalyq kómekke muqtaj barlyq naýqastardy jatqyzý úshin jetkilikti oryndar jetkilikti. Alaida, indettiń taralýy ósip, naýqastar kóbeigen jaiǵaida ákimdik meiramhanalardy, toihanalardy provizorly statsionar retinde paidalanýǵa bolatynyn aitty. Qazirgi tańda qaladaǵy epidemiologiialyq jaǵdaiǵa bailanysty daiyndyq jumystary júrgizilip jatqanyn qala basshysynyń birinshi orynbasary Erbol Sadyr baiandady.
«Koronavirýs pen pnevmoniiaǵa shaldyqqan naýqastardy emdeýge 7 milliard qarjy bólýdi josparlap otyrmyz. Birinshi kezekte, meditsinalyq mekemelerdi úlken suranysqa ie dári - dármektermen, ÓJJ (IVL) apparattarymen jáne kompiýterlik tomografiiamen (KT) qamtamasyz etý máselesi sheshiletin bolady», - dedi Erbol Sadyr.
Qala ákiminiń birinshi orynbasary sondai-aq, saýda ortalyqtary men basqa da qaladaǵy iri nysan ieleri turǵyndarǵa ýaqtyly meditsinalyq kómek kórsetý úshin tegin kómek kórsetýge daiyn ekendigin atap ótti.
«Eger, kúzde epidemiialyq jaǵdai nasharlap, indettiń ekinshi tolqyny bastalatyn bolsa, biz sol jaǵdaiǵa daiyn bolýymyz kerek. Sondyqtan qazir kásipkerlerdiń ózderi usynǵan qaladaǵy iri ǵimarattardy qarastyryp jatyrmyz. Jaǵdai kúrdelener bolsa, biz shuǵyl provizorlyq ortalyqtardy uiymdastyrýǵa daiynbyz. Búgingi tańda naýqastardy emdeýge arnalǵan qosymsha 3 000 oryn daiyndadyq. Jaqyn arada kásipkerler usynǵan ǵimarattardan da dál solai tósek-oryndar daiyndamaqpyz», - deidi Erbol Sadyr.
