Shymkentte koronavirýsqa bailanysty karantindik shekteý sharalary taǵy eki aptaǵa uzartyldy. Búgin shahardyń Bas sanitar dárigeri kezekti qaýlysyn shyǵardy, dep habarlaidy "Ult aqparat".
Oǵan sáikes, karantindik shekteýler saqtala otyryp, qoǵamdyq tamaqtaný oryndarynyń jumys ýaqyty saǵat 7:00-den 00:00-ge deiin uzartyldy. Buǵan deiingi rejimi – 7:00-23:00 bolǵan edi. Bul rette, syiymdylyq 50 paiyzdan aspaýy tiis
Kontingenti 300 oqýshyǵa deiingi qalalyq jáne aýyldyq mektepter balalar sanyn 15-ten asyrmai dástúrli formatta bilim beretin bolady. Sondai-aq jalpy bilim beretin mektepterde 1-5 synyp, halyqaralyq mektepterde 7 synypqa deiin bala sanyn 15-ten asyrmai kezekshi synyptar qurylady. Ata-analar tiisti ótinish jazýy qajet.
Sporttyq obektilerde (fitnes-ortalyqtary, trenajer zaldary, sporttyq-saýyqtyrý ortalyqtary, jabyq jáne jartylai jabyq sporttyq qurylymdar, muz alańdarynyń onyń ishinde saýda, oiyn-saýyq keshenderi, saýda ortalyqtary, saýda úilerinde ornalasqan muz alańdar) bir adamǵa 5 sharshy metrden kelýi tiis, syiymdylyǵy 50% aspaýy shart, qyzmet rejimi - jumys, demalys jáne mereke kúnderi 09:00-den 23:00-ge deiin. Basseinder aldyn ala jazylý boiynsha jumys isteidi.
Qaladaǵy qoǵamdyq kólikterdiń sany kóbeitilip, olardyń jumys, demalys jáne mereke kúnderi júrý ýaqyty saǵat 07:00-den 21:00-ge deiin belgilendi. Betperde taǵý mindetti. Avtobýstyń tolymdylyǵy otyratyn oryn sanynan aspaýy qajet.
Óz jumysyn qaita bastaǵan nysandarda (bazarlar, qoǵamdyq kólik, kommýnaldyq nysandar, shashtarazdar, sulýlyq salondary, monshalar, saýnalar, sport obektileri, saýda obektileri, bankter, HQKO, «Kazpochta» AQ bólimsheleri, menshik nysanyna qaramastan uiymdar men mekemeler jáne t.b.) koronavirýs infektsiiasynyń taralýyn aldyn alý baǵytyndaǵy sanitariialyq-epidemiologiialyq talaptardyń saqtalýyna monitoring jalǵasatyn boldy.
Mobildi monitoringilik toptar jáne Biryńǵai úilestirý ortalyǵynyń jumystary kúsheitilip, karantin talaptaryn buzǵandarǵa qyzmetin ýaqytsha toqtatýǵa deiingi sharalar qoldanylatyn bolady.
