Shymkentte karantin jáne shekteý sharalary uzartyldy, dep habarlaidy "Ult aqparat".
Shymkent qalasynyń Bas memlekettik sanitariialyq dárigeri Ábdimanap Tólebaevtyń «Shymkent qalasynyń aýmaǵynda karantindik, shekteý sharalaryn uzartý týraly» 17 jeltoqsandaǵy №46 qaýlysy boiynsha qala aýmaǵynda 21 jeltoqsannan bastap 2021 jylǵy 11 qańtar saǵat 00:00-ge deiin karantin jáne shekteý sharalary uzartyldy.
Qujatta adamdar kóp jinalatyn kez kelgen is sharany ótkizýge tyiym salynǵan (as berý, týǵan kún, qudalyq, toi, betashar jáne basqa).
65 jastan asqan adamdardyń qalada júrýi shektelgen.
Qoǵamdyq orynǵa, adam kóp jinalatyn obektilerge barǵanda, qoǵamdyq kólikke kirgen kezde betperde kiiý, antiseptikti paidalaný talaby qatań saqtalady.
Jumys berýshi jumys ýaqytyn barynsha qysqartyp, keńse qyzmetkeriniń 50 paiyzyn qashyqtan jumys isteýge kóshiredi.
Azyq-túlik bazary, azyq-túlik emes bazarlar (mamandandyrylǵan, kiim-keshek, mal jáne kólik bazary), jármeńke qyzmeti, syiymdylyǵy 30% aspaityn jáne 1 kelýshige 4 sharshy metr araqashyqtyqty saqtaýmen jumys kúnderi saǵat 06:00-den 18:00-ge deiin, demalys jáne mereke kúnderi 09:00-den 17:00-ge deiin ýaqyty shekteledi, jabyq emes bazarlar qalypty jaǵdaida jumys isteidi.
