Shymkentte karantin kezinde jasyryn jumys isteitin oiyn oryndary azaimai tur. Osyndai orynnyń biri Abai aýdandyq politsiia qyzmetkerleri júrgizgen reid kezinde anyqtaldy, dep habarlaidy "Ult aqparat".
Qalalyq PD baspasóz qyzmetiniń málimetinshe, Telman bólimshesindegi Sypyrǵan ata kóshesi boiynda ornalasqan «PS na raione» kompiýter klýby karantin shekteýine qaramastan jumys istep kelgen. Tártip saqshylary oiynhana ákimshisinen túsinikteme alyp, osy jait boiynsha QR ÁQBtK-niń 425-baby 1-tarmaqshasy «Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzý» boiynsha ákimshilik jaýapqa tartý týraly sheshim qabyldaǵan.
«Barlyq jinaqtalǵan is-qujattar Abai aýdanynyń Taýarlar men kórsetiletin qyzmetterdiń sapasy men qaýipsizdigin baqylaý basqarmasyna protsessýaldy sheshim qabyldaý úshin joldanǵan» delingen habarlamada.
