Foto: © Polisia.kz
Shymkentte iz-tússiz joǵalǵan qyz kisi óltirý oqiǵasynyń qurbany boldy, dep habarlaidy "Ult aqparat" IIM baspasóz qyzmetine silteme jasap.
Eske salaiyq, 5 tamyzda Ál-Farabi APB-ǵa jas qyzdyń joǵalǵany týraly habarlama túsken. Aǵasynyń aitýynsha, 2004 jylǵy stýdent 4 tamyz kúni úiden belgisiz baǵytqa shyǵyp, qaita oralmaǵan. Túrkistan oblysynyń týmasy oqýyna bailanysty ýaqytsha ápkesiniń úiinde turǵan.
"Jedel-izdestirý jumystaryna Shymkent qalasy PD-niń barlyq jeke quramy jumyldyryldy. BAQ-ta jáne áleýmettik jelide 18 jastaǵy qyzdyń is-tússiz joǵalǵany týraly habarlandyrý taratyldy. Úsh kún boiy úzdiksiz júrgizilgen izdeý jumystary oń nátije bergen joq.
8 tamyz túngi saǵat 01:30 shamasynda Ál-Farabi APB-ǵa týystary úidiń jertólesinen joǵalǵan qyzdyń óli denesin tapqany týraly habarlady. Oqiǵa ornyna barǵan jedel tergeý toby jertóleden tósek jaimasyna oralǵan, denesinde zorlyq belgileri bar múrdeni anyqtady.
Boijetkendi týǵan jezdesi óltirdi degen kúdikke ilindi.
QR QK 99-baby “Adam óltirý” boiynsha sotqa deiingi tergeý amaldary júrgizilip jatyr. Qajetti saraptamalar taǵaiyndaldy. Kúdikti ÝUI-ǵa qamaldy" - delingen habarlamada.
Ózge aqparat QR QPK-niń 201-babyna sáikes tergeý múddesinde jariialaýǵa jatpaidy.
