video kadrlary
Shymkenttegi daýly oqiǵanyń ekinshi qatysýshysy - Eńbekshi aýdany boiynsha memlekettik kirister basqarmasynyń basshysy Daniiar Elqondy qyzmetinen bosatyldy, dep habarlaidy "Ult aqparat" Otyrar.kz saityna silteme jasap.
Sheneýnikke keshe «qatań sógis» jariialanǵan edi. Al búgin óz erkimen jumystan ketkeni belgili boldy.
«D.Elqondy «qatań sógis» túrindegi tártiptik jazaǵa tartylǵan. QR Memlekettik qyzmet isteri agenttigi basshylyǵy tarapynan qajet bolǵan jaǵdaida qyzmettik tergep-tekserý júrgizý arqyly qoldanylǵan tártiptik jazanyń jasalǵan teris qylyqtyń aýyrlyǵyna sáikestigi turǵysynan zerdeleý qajettigi týraly tapsyrma berildi. Alaida qazirgi ýaqytta D.Elqondy óziniń ótinishi negizinde atqaratyn laýazymynan bosatylǵan. Qoldanystaǵy zańnama talaptaryna sáikes, oǵan memlekettik qyzmetti óz erkimen toqtatýǵa kedergiler bolmaǵan» - deidi QR Memlekettik qyzmet isteri agenttiginiń Shymkent qalasy boiynsha departamentiniń basshysy Shákir Sultanhan.
Eske salsaq, Shymkenttegi gúl dúkeninde belgisiz er adam satýshyny soqqyǵa jyǵyp, gúl shoǵyn ashyqtan-ashyq tartyp alyp ketken bolatyn. Keiin IIM onyń ishki ister salasynyń burynǵy qyzmetkeri ekenin, 19 mamyrda otbasylyq jaǵdaiyna bailanysty jumystan bosatylǵanyn habarlady. Al gúl dúkenindegi oqiǵa 8 mamyrda bolǵan.
