7 maýsymda Shymkentte gaz quiý stantsiiasynda jarylys bolyp, stantsiianyń jumysshysy Erlan Anar (1999 jyly týǵan) jan saqtaý bólimine jetkizildi. Bul týraly qalalyq densaýlyq saqtaý basqaramasy habarlady.
Jumysshynyń denesi kúiip qalǵan.
Qalalyq tótenshe jaǵdailar qyzmetine "Muraz" kompaniiasynyń gaz quiý stantsiiasynda órt shyqqany týraly habarlama kúndizgi saǵat 11:03-te túsken.
Tótenshe jaǵdailar qyzmetiniń habarlaýynsha, "órtti sóndirýge bastapqyda 15 tehnika men 70-tei adam jumyldyrylǵan. Qazir 90 adam men 21 tehnika órtti sóndirip jatyr. Órt tolyqtai sóndirilgen joq".
Shymkent qalalyq politsiia departamenti órtten keiin tergeý bastaǵanyn habarlady.
