Foto: videodan skrinshot
Shymkent turǵyny bástesýdiń saldarynan 26 dana qalamsapty jutyp qoiǵan, dep habarlaidy qalalyq densaýlyq saqtaý basqarmasy.
Asqazan-ishek joldary qatty aýyrǵan naýqas №1 qalalyq klinikalyq aýrýhanasyna jetkizilgen.
"Dárigerler naýqastyń jaǵdaiyn tekserip, endoskopiialyq ota jasaý týraly sheshim qabyldady. Ota shamamen 2 saǵatqa sozylyp, nátijesinde mamandar naýqastyń asqazanynan barlyǵy 26 qalam-sapty endoskopiialyq jolmen alyp shyqty", - deidi vedomstvo.
Meditsinalyq mekeme ókilderiniń aitýynsha, operatsiia tiliksiz, iaǵni ish qýysyna hirýrgiialyq jolmen kespei júrgizilgen.
Qazirgi tańda naýqastyń jaǵdaiy qanaǵattanarlyq, ol baqylaýdan keiin úiine shyǵarylǵan.
