Shymkentte jańa týǵan nárestelerge eń kóp qoiylǵan esimder anyqtaldy, dep habarlaidy "Ult aqparat".
Qalalyq jumyspen qamtý jáne áleýmettik qorǵaý basqarmasy AHAT bólimi mamandarynyń málimeti boiynsha, ótken jyly dúnie esigin ashqan sábilerge Aisultan men Medina esimderi jii qoiylǵan.
Sala mamandarynyń aitýynsha, 2018 jyly AHAT bóliminde 32464 bala tirkelgen. Onyń 60 paiyzy er balalar bolsa, ózgeleri qyz. Ata-analar dúniege kelgen uldarǵa Aisultan, Nursultan, Dinmuhammed, Álihan esimderin qoiǵan. Al, qyzdaryn Medina, Raiana, Káýsar, Aizere, Aisulý esimderimen ataýdy jón kórdim.
Eske salsaq, 2018 jyly Shymkent halqynyń sany millionǵa jetken bolatyn. Osyǵan orai Shymkent Elbasynyń Jarlyǵymen elimizdegi respýblikalyq mańyzy bar resmi úshinshi qala atandy. Al, 17 mamyrda dúniege kelgen Aisulý Elamanova esimdi búldirshin megapolistiń millionynshy turǵyny bolyp tirkeldi.
