Shymkentte qurylys alańynda eki jumysshynyń qaitys bolýyna orai QK 156 babynyń 4 bóligine sáikes qylmystyq is qozǵaldy. Bul týraly qalalyq ákimdikte ótken brifingte málim boldy, dep habarlaidy "Ult aqparat".
Baspasóz máslihatyna qalalyq Densaýlyq saqtaý basqarmasynyń basshysy Ashan Baidývaliev pen TJD basshysynyń orynbasary Madiiar Jaqsybaev, Qurylys basqarmasynyń basshysy Erbol Ahmetov pen eńbek ispektsiiasynyń basshysy jáne merdiger kompaniia ókilderi qatysty.
Densaýlyq saqtaý basqarmasynyń basshysy Ashan Baidývalievtiń aitýynsha, qazir úiindi astynda qalyp aman qalǵan júrgizýshiniń jaǵdaiy qalypty. Tiisti meditsinalyq emdeý sharalary júrgizilýde.
«Oqiǵanyń aldyn ala boljamdy sebebi: qurylys jumystaryn júrgizý kezinde merdiger «Iýgstroiservis-N» JShS tarapynan qaýipsizdik tehnikasy jəne qurylysty júrgizý tehnologiiasy saqtalmaǵan«, delingen ákimdik taratqan málimette.
Eske salaiyq, keshe túnde Shymkenttegi qurylys alańdarynyń birinde úsh tehnikany topyraq basyp qalyp, eki jumysshy qaza tapqan bolatyn. Toǵyz qabatty úige 25 metrlik tereńdikte shuńqyr qazý kezinde qabyrǵasy qulap ketip, saldarynan shuńqyrdy qazyp tegistep jatqan úsh tehnika júrgizýshileri úiindiniń astynda qalǵan edi. Bes saǵatqa sozylǵan qutqarý jumystary kezinde bir tehnika syrtqa shyǵarylyp, júrgizýshisi aman qaldy.
Al, úiindi astynda qalǵan eki tehnikanyń júrgizýshisi oqiǵa ornynda kóz jumdy.
