شىمكەنتتە قۇرىلىس الاڭىندا ەكٸ جۇمىسشىنىڭ قايتىس بولۋىنا وراي قك 156 بابىنىڭ 4 بٶلٸگٸنە سەيكەس قىلمىستىق ٸس قوزعالدى. بۇل تۋرالى قالالىق ەكٸمدٸكتە ٶتكەن بريفينگتە مەلٸم بولدى, دەپ حابارلايدى "ۇلت اقپارات".
باسپاسٶز مەسليحاتىنا قالالىق دەنساۋلىق ساقتاۋ باسقارماسىنىڭ باسشىسى اسحان بايدۋۆاليەۆ پەن تجد باسشىسىنىڭ ورىنباسارى مادييار جاقسىباەۆ, قۇرىلىس باسقارماسىنىڭ باسشىسى ەربول احمەتوۆ پەن ەڭبەك يسپەكتسيياسىنىڭ باسشىسى جەنە مەردٸگەر كومپانييا ٶكٸلدەرٸ قاتىستى.
دەنساۋلىق ساقتاۋ باسقارماسىنىڭ باسشىسى اسحان بايدۋۆاليەۆتٸڭ ايتۋىنشا, قازٸر ٷيٸندٸ استىندا قالىپ امان قالعان جٷرگٸزۋشٸنٸڭ جاعدايى قالىپتى. تيٸستٸ مەديتسينالىق ەمدەۋ شارالارى جٷرگٸزٸلۋدە.
«وقيعانىڭ الدىن الا بولجامدى سەبەبٸ: قۇرىلىس جۇمىستارىن جٷرگٸزۋ كەزٸندە مەردٸگەر «يۋگسترويسەرۆيس-ن» جشس تاراپىنان قاۋٸپسٸزدٸك تەحنيكاسى جəنە قۇرىلىستى جٷرگٸزۋ تەحنولوگيياسى ساقتالماعان«, دەلٸنگەن ەكٸمدٸك تاراتقان مەلٸمەتتە.
ەسكە سالايىق, كەشە تٷندە شىمكەنتتەگٸ قۇرىلىس الاڭدارىنىڭ بٸرٸندە ٷش تەحنيكانى توپىراق باسىپ قالىپ, ەكٸ جۇمىسشى قازا تاپقان بولاتىن. توعىز قاباتتى ٷيگە 25 مەترلٸك تەرەڭدٸكتە شۇڭقىر قازۋ كەزٸندە قابىرعاسى قۇلاپ كەتٸپ, سالدارىنان شۇڭقىردى قازىپ تەگٸستەپ جاتقان ٷش تەحنيكا جٷرگٸزۋشٸلەرٸ ٷيٸندٸنٸڭ استىندا قالعان ەدٸ. بەس ساعاتقا سوزىلعان قۇتقارۋ جۇمىستارى كەزٸندە بٸر تەحنيكا سىرتقا شىعارىلىپ, جٷرگٸزۋشٸسٸ امان قالدى.
ال, ٷيٸندٸ استىندا قالعان ەكٸ تەحنيكانىڭ جٷرگٸزۋشٸسٸ وقيعا ورنىندا كٶز جۇمدى.
