Foto: jeke muraǵattan
Baqytjan Pozilov Shymkent qalalyq Densaýlyq saqtaý basqarmasynyń basshysy qyzmetinen ketti, - dep habarlaidy Tengrinews.kz tilshisi.
Baqytjan Pozilov áieliniń syrqatyna bailanysty qyzmetinen ketkeni belgili boldy. Qalalyq densaýlyq saqtaý basqarmasynyń eks-basshysy áieliniń jaǵdaiy nasharlyǵyna bailanysty sońǵy birneshe ai boiy jumysta bolmaǵanyn moiyndady.
"Keshe men jumystan ketý týraly ótinish jazdym. Onyń sebebi áielimniń syrqattanyp qalýy. Búiregi aýystyryldy. Aita keteiin, meni qyzmetke qiyn sátte taǵaiyndady. Men ózime berilgen tapsyrmany barynsha az shyǵynmen oryndadym dep oilaimyn. Pandemiia bolǵanda úsh kún uiyqtamaǵan sátter de boldy. Men Shymkenttegi meditsinanyń deńgeiin kóterdim", - dep bólisti Baqytjan Pozilov.
Aita keteiik, buǵan deiin Pozilov janjaldyń ortasynda qalǵan edi. Jekemenshik meditsina ortalyǵynyń qyzmetkerleri alty aidan astam ýaqyt boiy pandemiia ústemeaqysyn ala almai júrgenin aityp, jýrnalisterge shaǵymdandy.
Keiin meditsinalyq saqtandyrý qory olardyń emhanamen kelisimi joq ekenin, meditsinalyq ortalyq qyzmetkerleri tólemdi alýy úshin sotqa júginýi kerek ekenin túsindirdi. Sol kezde qalalyq Densaýlyq saqtaý basqarmasynyń basshysy ár sot otyrysyna qatysamyn, dárigerler ústemeaqysyn alady dep ýáde bergen bolatyn.
Baqytjan Pozilov jumystan shyqqannan keiin de bul isti sońyna deiin aparamyn dep sendirdi.
"Men advokatty ózim jaldap, ispen ainalysyp jatyrmyn. Búgin advokatpen kezdesemin, bul isti ózim aiaqtaimyn", - dedi Pozilov.
Sondai-aq, Pozilov áriptesterine koronavirýs pandemiiasy kezinde atqarǵan jumysy úshin alǵys aitty.
"Qalaǵannyń bárin oryndai almaǵanymyzdy moiyndaýym kerek, biraq maqtan etetin nátijeler bar! Men barlyq áriptesime COVID-19-ben kúreste birigip jumys istep, janqiiarlyq kórsetkeni úshin alǵys aitamyn! Bul - ortaq jeńisimiz! Bárine raqmet, kezdeskenshe", - dedi qalalyq Densaýlyq saqtaý basqarmasynyń burynǵy basshysy.
Pozilov 2020 jyldyń 2 qazanynda Shymkent qalasynyń bas dárigeri bolyp taǵaiyndalǵan. Qalalyq Densaýlyq saqtaý basqarmasyn ýaqytsha kim basqaratyny ázirge belgisiz.
