Shymkent qalasynyń ákimi Murat Áitenov dári-dármekti zańsyz satýshylarmen kúres qalai júrip jatqanyn aityp berdi, dep habarlaidy QazAqparat.
«Memleket basshysynyń halyqty dári-dármekpen qamtý jónindegi tapsyrmasyna sáikes qalada tórt monitoring toby qurylyp, 348 dárihanaǵa tekserý júrgizildi. Nátijesinde dári-dármek satýmen ainalysqan 50 adam anyqtaldy. Onyń ishinde 12 qylmystyq is tirkelip, tergeý amaldary bastaldy. Qalada kóterme dári-dármek satýmen ainalysatyn 10 iri farmkompaniia 560 dárihanaǵa jumys isteidi. Shetelden dári-dármek alyp kelýge 10 farmkompaniiaǵa ruqsat beriledi», - dedi Murat Áitenov Úkimet otyrysynda.
Ákimniń aitýynsha, bir ushaq, 10 fýramen Úndistan, Resei, Ýkraina jáne Ózbekstannan 2 mln 676 myń flakon birinshi kezektegi dári-dármek jáne 16 mln 700 myń maska jetkizilgen.
«Qala qoimalarynda bir ailyq dáriniń qory jasaqtaldy. Koronavirýspen kúresti turaqty baqylaýda ustaý úshin qala ákimdiginde ahýal ortalyǵy bar», - dedi ol.
