Foto: Polisia.kz
Shymkentte bopsalaýmen ainalysqan qarýlanǵan er adam quryqtaldy, - dep habarlaidy Polisia.kz.
Portal málimetinshe, uiymdasqan qylmysqa qarsy kúres basqarmasyna qala aýmaǵynda bopsalaýmen ainalysatyn qarýly kúdikti bar ekeni týraly jedel aqparat kelip túsken. Politseiler bul derek boiynsha kúdiktige qatysty jeke málimetterdi jinaqtap, izdestirý jumystaryna kirisken.
Onyń buǵan deiin Qylmystyq kodekstiń 125-baby ("Adam urlaý"), 126-baby ("Bas bostandyǵynan zańsyz aiyrý"), 293-baby ("Buzaqylyq"), 389-baby ("Ózinshe bilik etý") boiynsha sotty bolǵany anyqtaldy.
Nátijesinde Uiymdasqan qylmysqa qarsy kúres basqarmasynyń qyzmetkerleri arnaiy "Qarý" operatsiiasyn ótkizip, kúdiktini ýaqytsha turǵylyqty mekenjaiynda qolǵa túsirdi. Er adamnan Makarov tapanshasy, 3 oq jáne jinalmaly pyshaq tárkilendi.
Bul derek ál-Farabi APB-da QR QK-niń 287-baby (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz iemdený, berý, ótkizý, saqtaý, tasymaldaý nemese alyp júrý) boiynsha tirkeldi.
Sotaldy tergeý amaldary júrgizilip jatyr. Kúdiktiniń atys qarýyn qoldaný arqyly basqa da qylmystarǵa qatysy bar-joǵy tekseriledi. Bultartpaý sharasy taǵaiyndaldy.
