Shymkentte koronavirýs infektsiiasyn juqtyrǵan 60 adam tirkeldi, – dep habarlaidy qalalyq tótenshe jaǵdai shtaby.
COVID-19 diagnozy naqtylanǵandardyń 58-i - virýs juqtyrǵandarmen jaqyn qarym-qatynasta bolǵandar. Taǵy bir adam Atyraý oblysynan kelgen.
Sondai-aq, jedel respiratorly virýsty infektsiia belgilerimen aýrýhanaǵa jatqyzylǵan naýqastyń da qaýipti indet juqtyrǵany anyqtaldy. Olardyń barlyǵy infektsiialyq statsionarǵa jatqyzylǵan.
«Qazirgi tańda naýqastardyń jaǵdaiy birqalypty. Bekitilgen hattamaǵa sáikes tiisti em júrgizilýde. Profilaktikalyq is-sharalardy júrgizý úshin, naýqaspen qarym-qatynasta bolǵan adamdar anyqtalýda. Aýrý oshaqtarynda dezinfektsiialyq jumystar júrgizilýde» delingen habarlamada.
Aita keteiik, qala boiynsha koronavirýs infektsiiasyn juqtyrǵandardyń sany 404 adamǵa jetken.
